http://img856.imageshack.us/img856/3789/poq.gif

 

http://img200.imageshack.us/img200/6700/gy8.gif

 

 

 

   
بحث مخصص
 

 

 

 

صفحة 1 من 38 12311 ... الأخيرةالأخيرة
النتائج 1 إلى 10 من 378

الموضوع: برنامج طبيعي لإعادة بناء الجسم و زيادة الوزن

  1. #1
    مستشارة طبية Array الصورة الرمزية parfumée
    تاريخ التسجيل
    Jun 2012
    المشاركات
    3,553

    Cool1 برنامج طبيعي لإعادة بناء الجسم و زيادة الوزن

    السلام عليكم و رحمة الله



    تتبيث و ارشفة بتاريخ 13. 11. 2012





    نزولا عند رغبة بعض العضوات الراغبات في الزيادة فالوزن


    ساضع بين يديكم برنامج طبيعي للزيادة فالوزن قائم على مجموعة من الوصفات و طريقة عيش و تربية غذائية بعيدا عن الكريمات و الخلطات و الادوية الكيميائية






    للراغبات في التسجيل المرجو ملئ الاستمارة


    - السن
    - الطول الوزن
    - المهنة
    - الحالة الاجتماعية (زواج اولاد)
    - وزنك عند الولادة
    - مدة الرضاعة الطبيعية للي رضعت من الام ديالك
    - السن للي دخلت لك الام ديالك المالكلة عليه
    - واش عمرك زرتي الطبيب على مشكل في المعدة لمصارن لحلاقم الجلد الجهاز التناسلي الجهاز الصدري او التنفسي او مشاكل اسنان
    - شنو الامراض للي كتعاني منهم لا قدر الله من بينهم الامراض النفسية و العصبية
    - الادوية للي كتاخدي كيف ماكانو
    - عدد الوجبات فاليوم
    - كتمارسي شي رياضة اشناهي
    - من وقتاش و انت كتعاني من النحافة
    - علاش باغة تتزادي فالوزن
    - الرجيمات للي سبق ليك تبعتي باش تتزادي فالوزن
    - المناطق للي ماعاجبينكش


    بسم الله نبدأ
    اساسيات و قواعد الزيادة فالوزن
    خاص يكون نسبة الكالوريات و الغذاء اكثر من نسبة الحرق يعني الى كلما كنت كتبدلي مجهود و طاقة فاليوم ديالك عمل شغل الدار مشي كلام قراءة تفكير.... خ اصك تكوني كتاكلي كثر مللي كتحرقي
    عدد الوجبات خاصهم يكونو 5 حتال 6 وجبات متفرقين فاليوم
    لانه الخطأ للي كيوقع انك كتاكلي مثلا بزآف فالغذاء و كتسنآي ساعات باش تاكلي لكاسكروط و فخلال دوك الساعات كتكوني حرقتي ماكليتي فالغذاء
    و مللي كيكون 5 او 6 ديال الوجبات كتكوني كتاكلي تقريبا اليوم كله مما يساعد على تخزين اكبر للاطعمة فالجسم
    الوجبات خاصهم يكونو كيتوفرو على نشويات حبوب يعني بطاطا الروز الخبز ليپاط القمح الذرة...
    و كتكون نسبة الخضر قليلة ماشي تحيدو الخضر و لكن تكون قليلة يعني مثلا 2 ديال الحبات ديال الخضر فاليوم لانها الى ماكانتش غادي تتصابو بالقبط بالاضافة الى النشويات خاص ضرووري يكون پروتين بيض لحوم و سمك و قطاني و حليب
    الفواكه الجافة ضروري منها لان اغلبيتها فاتحة للشهية
    الفواكه الطرية اولها الليمون لاڤوكا و من بعد كيجي باقي الفواكه غالبا كيخص تتخلط فواكه جافة و طرية فنفس الطبق لاستفادة اكبر
    نجيو دابا لحاجة كيهملوها اغلب النحيفات و هي الرياضة راها مادارتش غير لناس للي باغييين يفقدو الوزن راها مهمة حتى لكسب الوزن غير هو خاصكم تعرفو نوعية الرياضة المدة ديالها و كيفاش تكسبو من خلالها الوزن
    الرياضة العنيفة و للي كتبني العضلات هي للي كيكسبو بيها الوزن مثلا حمل الاثقال فنون القتال خصوصا لبوكس الطايبوكسينج تيكواندو هادشي بالنسبة للي ممكن يتقيد فشي نادي
    اما بالنسبة لناس للي غير فالدار و ماعندهمش امكانيات يتسجلو فالنوادي من بعد غادي نحط حركات بسيطة ممكن تديروها فالمنزل
    هاد الرياضات كتبني العضلات و كتفتح الشهية و كتخلي الجسم يطلب الاكل لبناء العضل و هاكدا غادي تتزادو فالوزن بطريقة زوينة ماشي غي منفوخين و صافي


    ندوزو دابا للمواد الواجب توفرها فالمنزل و للي من خلالها غادي تحضرو اكلكم و الوصفات للي غادي نقتارحها عليكم ان شاء الله
    البيض، العسل، القرفة تكون مطحونة جديدة ، إلَان، الزنجلان،الكركاع،الزبيب،حب رشاد،زريعة الكتان،الحمص،الصوجا،النافع،الحبة السوداء،الحلبة،كاوكاو،اللوز،الكوك،التمر،الشريحة،ال پيسطاش
    دشيشة ديال الشعير،سميدة ديال الذرة، السميدة الرقيقة،الحليب البلدي يعني الغير مبستر

    دابا نجيو للوصفات
    - دشيشة ديال الشعير او السميدة كنطيبوها فالماء مع الحلبة وإلان حبوب

    - كناخدو إلَان، الزنجلان،الكركاع،الزبيب،زريعة الكتان،الحمص،الصوجا،النافع،الحبة السوداء،الحلبة،كاوكاو،اللوز،الكوك،الشريحة،الپيسطاش كلشي يتغسل يتنقى و يتحمر شوي و يتطحن مزيآن المقادير تكون متساوية و للي ماكيبغيش لمرورة يقلل شوي من الحبة السوداء و زريعة الكتان و بالنسبة للشريحة كنقطعوها قطع صغيرة جدا كنجمعو داكشي بالعسل و زيت الزيتون من بعد كنصايبو منهم كويرات ك نعمرو بيهم التمر و كنحتافظو بيه فالثلاجة

    - عصير پروتيني
    هاد العصير الاساس ديالو هو واحد المادة للي خاصكم تجبدوها من الحليب البلدي للي قلتلكم
    كتشدو الحليب و كتخليوه يروب فشي مكان مللي يتجلط مزيان ديروه فكاسرونة فوق النار حتى يتكلل مزيآن و صفيقه داك الما للي غادي يتصفى من داك الجبن للي تكلل هو للي غادي تستعملوه حتافظو بيه فالثلاجة و هو المادة الاساسية للي غادي تصاوبو منها هاد العصير لانها مادة غنية جدا جدا بالپروتين للي غادي يبني ليكم الجسم ديالكم
    دابا ندوزو لمكونات العصير للي غادي تكون عبارة عن خليط مابين داك الما ديال الحليب+ ح ليب +عصير ليمون و سكر

    - سلطة الارز
    فيها روز مفور ماشي مصلوق ويلا كنا مصلوق خاصو يكون شرب داك الما ديالو تزيدو عليه ذرة معلبة مانكرهش تكون طرية وتصلقوها فيديكم لكن لعدم توفرها في جميع المواسم ممكن استعمال المعلبة و طون معلب و تزيدو عليها مايونيز للي غادي نوريكم كيفاش تصايبوها

    - سلطة الفواكه
    يكون فيها موزة مقطعة دوائر ليمون او ماندرين مقطع ربع حبة اڤوكا مقطعة زبيب كركاع و الكل مسقي بالحليب و عصير الليمون ديروها فشي زلافة و تؤكل بالملعقة ممكن تنسموها بالقرفة و تحليوها بالعسل

    - وصفة المايونيز
    غادي يشيطليكم اصفر البيض بعد قليل تعرفو علاش
    هداك اصفر البيض غادي تزيدو عليه شوي ديال الخل و الحليب عينيكم ميزانكم ابزار و ملح و طربو كلشي في الخلاط و بشوية بشوية تبقاو تزيدو الزيت حتى يتقال الخليط

    دابا ندوزو لبرنامج الوجبات
    لفطور غادي يبدأ بحليب سخون مع نصف ملعقة صغيرة ديال حب رشاد محلى بالعسل هاد الوصفة غادي ديروها مدة شهر فقط و بهاد المقادير
    من بعد تاخدو زلافة ديال لحسوة للي ذكرت ليكم طايبة بالحلبة و إلان
    و من بعد ممكن تاخدو خبز فيه شي حاجة اخرى تكملو فطوركم العادي
    بعد ساعتين من الافطار او اقل خودو كاس ديال العصير الپروتيني مع تمرة معمرةمن دوك للي كنتو صاوبتو
    الغذاء يكون على حسب الموجود و يكون مطابق للشروط للي سبق ذكرتهم
    من بعد ساعة خودو زلافة ديال سلطة الفواكه
    قبل الكاسكروط بساعة خودو كاس ديال العصير الپروتيني مع تمرة معمرة
    وقت الكاسكروط خودو 3 ديال البيضات مصلوقين غير الابيض ديالهم (الاصفر عطيوه للعائلة او صاوبو منو المايونيز للي قلت لكم) زيدو عليهم ما تيسر من الاكل ديالكم المعتاد فالكاسكروط
    من بعد ساعة من الكاسكروط خودو كاس ديال العصير الپروتيني معاه تمرة معمرة
    العشاء غادي يكون فيه طبق الروز للي قلت ليكم ممكن تزيدو عليه شي حاجة من الموجود في طاولة العشاء
    غادي نعاود نتكلم على الرياضة
    ناس لاصال خاصها تكون 45دقيقة ديال التدريب 2 مرات فالاسبوع قبل ماتمشيو تاخدو طبق الروز و عاد تمشيو مللي ترجعو تشربو 2 كيسان من العصير الپروتيني و تمرة معمرة
    بالنسبة للناس للي فالدار كيفما قلت من بعد و نحط التمارين

    لنجاح النظام

    اولا التقيد بما ذكر
    ثانيا التقليل من النشاطات الحركية اليومية من غير الرياضة للي ذكرت
    ثالثا مللي تكونو عارفين راسكم غادي دوزو وقت قدام الكمبيوتر او التلفاز او المدرسة او العمل ضروري يكون جيبكم عامر لويزات زبيب و پيسطاش مرة مرة نصيفط لفمي هههه
    رابعا و الاهم للي عندها شي مرض خاصها تعالجو لانه ممكن يكون سبب فالنحافة ديالها و هادشي غادي نتطرق ليه مع كل حالة على حدى

    الاخطاء للي ماخاصكمش توقعو فيها
    استهلاك لابسكوييات و الشيبس و المشروبات الغازية و الوجبات السريعة ممكن يعطيك نفخ للبطن و شبع و لكن غير دائم و مسبب لامراض لا يحمد عقباها
    اكل الدهون بزاف و الشحومات كيسد الشهية
    يعني جميع الافكار ديال استهلاك المواد المضرة و المسرطنة للزيادة فالوزن اضرارها اكبر من منفعتها
    و خاص الجسم يتبنى على الصح ماشي النفخ

    اي سؤال انا في الخدمة و من بعد الرد الموالي سيكون فيه نصائح خاصة بكل مشتركة
    و الاهم هو تحطو يومياتكم من بعد ما توجدو المواد المذكورة اعلاه
    اليوميات غادي تخليكم تتشجعو و كذلك تخليني نتبع نعاكم عن قرب

    و دمتن صحيحات


    حركات رياضية فالمنزل
    من بعد مانكونو درنا تسخينات بالمشي السريع فارجاء المنزل مدة 10 دقائق

    الوقوف اما حائط مد اليدين الى الامام
    الرجلين يكونو مباعدين شوية نحطو الكفوف ديلنا على الحائط و ندفعو الحائط حتى يوصل صدرنا اليه مع الاحتفاظ بالرجلين فمكانهم نعاودو الحركة ذهابا ايابا 10 مرات

    نفس الوضعية امام الحائط غير رجلين يكونو مجموعين عادييين و مانكونوش مباعدين بزاف على الحائط نحطو الكفين ديالنا عليه و ندفعو الحاط بكل الجهد ديالنا بحال الى بغينا ندفعوه من مكانه باش يتحرك خاصنا نحسو بلكتاف و دراعين كيخدمو

    من بعد نجلسو القرفصاء بحال الجلوس ديال المرحاض و نديرو يدينا متشابكين ورا الراس ديالنا و نبقاو نوقفو و نرجعو للقرفصاء من غير مساعدة يدينا نديرو الحركة بشوية باش ماندوخوش 10 مرات فالاول و ممكن من بعد تزيدو خاص الفخضين تحسو بيهم كيخدمو

    توقفو مفرقين رجليكم شوي و تهزو ركبتكم اليسرى ناحية المرفق ديالكم الايمن و العكس بالنسبة للركبةالاخرى 5 حتال 10 مرات

    من بعد الختام يكون بمشي سريع مدة 10 دقائق في ارجاء المنزل
    بطبيعة الحال شوفو النصائح الخاصة بالاكل قبل و بعد ممارسة الرياضة و طبقوهم

    الاخوات للي بغاو يقويو الصدر و الكتفين خاصكم تشريو elastique pour etirement راه كيتباع فالمحلات ديال الالات الرياضية عبارة عن جبآد قاصح للي شراتو نعطيها الحركات للي دير بيه

    التعديل الأخير تم بواسطة parfumée ; 27-11-12 الساعة 01:05 PM

  2. #2
    مستشارة طبية Array الصورة الرمزية parfumée
    تاريخ التسجيل
    Jun 2012
    المشاركات
    3,553

    افتراضي

    دودي:
    وزنك داخل فالعادي يعني ماعندكش نحافة مذكورة
    بمجرد ما تبداي البرنامج باذن الله ستلاحظين نتائج جيدة
    لكن خاصك ضروري من الرياضة لذلك خاصك تقولي لي واش عندك امكانية تتقيدي فشي نادي 2 مرات فالاسبوع
    طريسطا:
    وزنك نآقص اختي
    نقص الحديد ممكن يزيد من المشكل بالاضافة الى تتبع البرنامج للي لابد منه
    شري الفُوة و هي عشبة عند العطار على شكل سيقان رقيقة ماتشريهاش مطحونة
    غسليها مزيان و من بعد غليها فالماء قدر كافي غادي تطلق ليك اللون الاحمر بحال ديال الباربا هداك الما بداي تشربي منو كاس فالصباح ممكن تخلطيه مع عصير الليمون لان ڤيتامين س كيساعد على امتصاص الحديد
    و ممكن تخلطيه كذلك مع عصير الباربا للي غادي تحكيها خضرا ماشي مصلوقة و من بعد طحنيها مع هاد الما
    الفوة كذلك طحنيها و زيديها مع المكونات للي غادي تصنعي منهم لكويرات للي غادي تعمري بيهم التمر
    ضروري تاكلي الكبد 3 مرات فالاسبوع و اصفر البيض 3 مرات فالاسبوع
    المانيوزيوم كاين فالموز للي اصلا كاين فوصفة سلطة الفواكه للي كاينة فالبرنامج
    بداي البرنامج و تبعي النصائح للي قلت لك و مللي نشوفك بديتي نزيدك نصاح اخرين و نتبع معاك ان شاء الله
    اسلام سارة:
    وزنك ناقص بزاف
    اختي بلا ما نوصيك انك خاصك تتبعي النظام بحذافره و ماشاء الله راكي عندك استعداد لتطبيق الوصفات
    في انتظار يومياتك لمزيد من التتبع
    نور بلادي:
    وزنك ناقص
    شنو عندك بالظبط فالقولون ديالك لانه ممكن يكون سبب قوي فالنحافة
    القولون عندو دور كبير فكبح السموم و دور فالهضم الى كان مريض هذا يعني انه جسمك ماكيستافدش و هذا سبب انه كتاكلي و ماكيبانش عليك من الغذاء ضروري نعرف مما تعانين بالظبط فالقولون واش متبعة عند الطبيب و اشنو الادوية للي خديتي اولا كتاخديه عليه
    حنونانونة:
    وزنك ناقص بعض الشيئ
    ضروري تتبعي البرنامج و نظام 6 وجبات لانه هو للي غادي يخلي الشهية ديالك تنتاظم
    و انت كذلك لازم ليك الرياضة ضرووري الى بغيتي ترجعي السيقان و الدراعين و الصدر
    واش عندك امكانية للتسجيل في نادي
    بداي البرنامج و في انتظار يومياتك
    ملكي:
    وزنك عادي
    ممكن تتبعي النظام و لكن للي اهم هو تشوفي النصائح للي عطيت للاخت طريسطا فيما يخص نقص الحديد
    ويلا بغيتي السيقان و الايدي يتزادو فخاصك ضروري تمارسي الرياضة
    واش ممكن تتسجلي فنادي
    أمون:
    وزنك عادي
    شنو نوع الحساسية للي سبباتها ليك الحلبة
    ممكن تتبعي النظام و تتزادي شوي باركة عليك و تمارسي الرياضة ضروري للحفاظ على جسمك و كذلك باش تتزادي مزيان
    واش ممكن تتقيدي فشي نادي
    اوپس:
    وزنك ناقص
    تبعي اختي النظام بحذافره خصوصا نك طالبة و كذلك كتجيك الشقيقة من فرط التركيز اذن راكي محتاجة لعدد اكبر من السعرات باش تحرقي
    تبعي النظام و غادي يكون خير
    و كذلك الرياضة واش عندك امكانية تتسجلي في نادي
    فاتيكسا:
    وزنك عادي و لكن الى ماتحزمتيش ليه ممكن ينقص و يدخل للوزن الغير الطبيعي
    الوجبات للي كتنقزيهم و كتخرجي تشدي الطريق راه بحال الى ماكاتاكلي والو النهار كامل لان للي كليتيها كتحرقيها
    ضروري تخلي كل وجبة فوقتها و فبلاصتها قراي النظام مزيان الوجبات خاصها تكون من 5 حتال 6 ديال الوجبات و انت دايرة 2
    طارديفيرون ماتاخديهش من دون وصفة طبيب ابدا
    ممكن تشوفي نصائح الاخوات للي عطيتهم بالنسبة لنقص الحديد
    وجدي وصفات النظام و بدايه و بداي تحتي يومياتك باش نتبع معاك ان شاء الله
    كريمة ريم:
    وزنك ناقص بزاف
    لحلاقم ممكن يكون حاجز بالنسبة ليك و ممكن كثيرا انه مللي تحيديهم تغلاضي
    ضروري تشوفي طبيب الجهاز الهضمي و ديري فحص شامل عندو
    لانه الى كنت كتتقياي كلما تعصبتي راه غادي تكوني كتفقدي ڤيتامينات و معادن بزاف و كتآي الجهاز الهضمي ديالك
    غادي تحبسي كل فواتح الشهية للي كتاخدي و الوصفات ديالا لاعشاب لان داكشي للي كاين فالبرنامج كافي و وافي و ماخاصكش تخلطي معاه او تزيدي معاه شي حاجة اخرى
    الفطور مهم جدا جدا و ضروري تحيدي عادة عدم الافطار لانها مضرة بالمعدة و الاعصاب
    واش ممكن ترجعي لممراسة تيكواندو
    كريمتوو:
    وزنك ناقص بعض الشيئ
    شوفي النصائح للي عطيت للاخوات بالنسبة لفقر الدم
    التشنج المهبلي خاصو يكون شخصو ليك الطبيب زوري طبيب الامراض التناسلية
    حبسي فواتح الشهية الكيميائية لانها لا تتناسب مع النظام
    بالنسبة للصدر من بعد ما تبداي النظام نعطيك تمارين لشد الصدر و تقويته
    عزيبتسام:
    وزنك عادي و زائد بعض الشيئ
    مشاكل الجهاز الهضمي ضروري تعالجيها بتتبع حالتك مع طبيب مختص الادوية للي كتاخدي غير كتهدن و كيحيد الاحساس بالحموضة و لحريق لكن ماكتعالجش
    عاداتك الغذائية ممكن حتى هي تكون سبب في مشاكل المعدة و لمصارن عندك
    الصدر ممكن يكون عندك نعمة و مزيان يكون متوسط الحجم دابا تعاودي تولدي و ترضعي ان شاء الله
    الارداف ممكن يكون وراثي غالبا
    واش ولدتي طبيعية او قيصري و واش بلغراز باش نعرف واش الحوض عندك صغير خلقيا
    املاهاني:
    و زنك عادي
    الى بغيتي تتزادي فالحجم تبعي النظام و ضروري من الرياضة و يكون خير ان شاء الله
    رقية2:
    وزنك عادي
    فواتح الشهية الكيميائية قطعيها اختي
    الفواتح الطبيعية للي كاينين فالبرنامج كيساعدو على الحمل كذلك باذن الله
    الرياضة ضروري منها الى ممكن تتسزلي فشي نادي
    في انتظار يومياتك لمزيد من التتبع
    هيام36:
    وزنك عادي
    ممتاز انك كتمارسي الرياضة
    قومي بالتسخينات باي طريقة كانت المهم تسخني مدة 15 د و من بعد ديري الموسكيلاسيون و ركزي على الجزء السفلي بزاف
    عدد الحصص 2 مرات فالاسبوع فقط ماتزيديش عليها مدة 30 دقيقة
    شوفي النصائح المتعلقة بداكشي للي خاصك تاكلي قبل و بعد الرياضة
    طبقي البرنامج و كوني على يقين انه غادي يعجبك راسك ان شاء الله
    حطي يومياتك لمزيد من التتبع
    سمراء الجنوب:
    وزنك ناقص شوي لكن قريب من الوزن الطبيعي يعني الى وقفتي مع راسك و عقدت العزم و تبعتي البرنامج غادي تشوفي نتائج مرضية ان شاء الله
    النظام فيه فواتح شهية و مقويات و المهم انه في ترتيب و نظام للوجبات الى تبعتيه غادي تتبدل عندك الشهية
    في انتظار يومياتك لمزيد من التتبع
    ام ياسر2012:
    وزنك ناقص شوي
    مشكل الديدان ممكن يتحل بهاد النظام لان فيه مواد طاردة للديدان بحال حب رشاد و السانوج و ممكن الى عندك تخت زيت الزيتون داك الاسود للي كيكون فالقاع تبقاي تتناوليه مع الخبز فهو كيعالج الطفيليات و الديدان
    تبعي النظام و حطي اليوميات ديالك لمزيد من التتبع
    وفتي:
    وزنك ناقص
    الحمد لله ماعندك حتى مشكل عضوي يذكر و تاريخك مزيان
    مشكل الهرمونات ممكن يتحل واخا كاع يكون
    البرنامج سيفيدك كثيرا لاخم تتبعيه بعزيمة قوية
    في انتظار يومياتك لمزيد من التتبع
    الهناء:
    وزنك عادي
    تبعي النظام و غادي يعطيك نتائج مرضية
    بالنسبة للصدر سنك مازال صغير و ان شاء الله يتزاد لك مع البرنامج و كذلك مللي تتزوجي و تولدي
    في انتظار يومياتك لمزيد من التتبع
    زوجي حبيبي2011:
    وزنك عادي
    الى تبعتي البرنامج كما هو غادي تلاحظي تحسن واضح
    شوفي الوصفات للي عطيت للاخوات بخصوص فقر الدم
    بالنسبة لليدين الرياضة غادي تعاونك بزآف انه تحسني الشكل ديالهم
    واش ممكن تتقيدي فشي صال
    انصاف ماروك:
    وزنك عادي
    لازم لك تمارسي الرياضة الى بغيتي شكل الاكتاف يعراض لك
    البرنامج صالح لك ويلا تبعتيه تشوفي ان شاء الله نتائج مرضية
    في انتظار يومياتك لمزيد من التتبع
    سلمى ما:
    وزنك عادي و مزيان
    ممكن انك تتبعي البرنامج لحد ما ترضاي على شكل جسمك
    انت للي غادي تقرري وقتاش تحبسي النظام
    و بعدي على السيرووات للي غير كينفخو و راه لخبار فراسك بالتجربة للي مريتي بيها مع سيرو
    هايدي:
    وزنك ناقص شوي لكن قريب للمعدل الطبيعي ممكن باتباع النظام تتزادي
    معالم الانوثة غادي تتصاوب لان النظام فيه مواد فيها هرمونات
    بومزوي عندو علاج طبي تبعي عند طبيب الجهاز الهضمي و غادي تلقاي راحتك
    الرياضة ضروري منها غادي تعاونك لاكتساب وزن مزيان و عامر و كذلك غادي تريح نفسيتك و تخخف من العصبية عندك شوفي البرنامج مزيان
    في انتظار يومياتك لمزيد من التتبع

    التعديل الأخير تم بواسطة parfumée ; 01-12-12 الساعة 07:28 PM

  3. #3

    افتراضي

    - السن32
    - الطول الوزن 160
    - المهنة معلمة
    - الحالة الاجتماعية متزوجة ام للطفلتين
    - وزنك عند الولادة3كيلو
    - مدة الرضاعة الطبيعية للي رضعت من الام ديالك20شهر
    - السن للي دخلت لك الام ديالك المالكلة عليه 4اشهر
    - زرت الطبيب الجهاز التنفسي و مشاكل اسنان
    -
    - الادوية حبوب منع الحمل ميكروديول
    - عدد الوجبات 4
    - كتمارسي شي رياضة لا
    - من وقتاش و انت كتعاني من النحافة من زمااااااااااااااااااان
    - علاش باغة تتزادي فالوزن........لانه اقل من الطبيعي
    - الرجيمات الحلبة وكوكا وفواتح الشهية وهادي عام حبست كلشي
    - المناطق للي ماعاجبينكش........الصدر


  4. #4
    نجم الجمال Array
    تاريخ التسجيل
    May 2008
    المشاركات
    729

    افتراضي

    - السن 28
    - الطول الوزن 162 46 كيلو
    - المهنة موظفة
    - الحالة الاجتماعية (زواج اولاد)
    متزوجة بدون اولاد
    - وزنك عند الولادة..............
    - مدة الرضاعة الطبيعية للي رضعت من الام ديالك
    4 اشهر على ما اظن
    - السن للي دخلت لك الام ديالك المالكلة عليه
    واقيلا 4 اشهر لكن لي عارفة ان امي من النوع لي كتهتم بالتغدية بشكل كبير و عندها كتب على تغدية الاطفال
    - واش عمرك زرتي الطبيب على مشكل في المعدة لمصارن لحلاقم الجلد الجهاز التناسلي الجهاز الصدري او التنفسي او مشاكل اسنان
    كنت تنعاني من الضيقة ملي كنت صغيرة و تشافيت منها في 13 عام هكداك و كدلك عندي مشكل ملي كنتعصب تتسدلي الشهية في مرة و قبل مانتناول حبوب منع الحمل كانت عندي دورة غزيرة مصاحبة بالام سبقلي مشيت عند اطباء الجهاز التناسلي عطاوني دوفاستون هادشي فات عليه اكثر من 10 سنوات و مشيت في شهر 8 نعند طبيبة عامة كنت تنعاني من الدوخة و الارهاق عطاتني نعمل تحاليل لقات عندي حديد ناقص بزاف فيا 2 عطاتني TARDYFERON 80

    2 مرات في اليوم لمدة شهر و مرة واحدة في اليوم لمدة 6 اشهر دابا باقي متبعاه باقي 3 اشهر ان شاء الله في شهر فبراير غادي نعاود التحليلة

    - شنو الامراض للي كتعاني منهم لا قدر الله من بينهم الامراض النفسية و العصبية
    عندي مشكل تيرتعشو يديا ادا كنت في وسط الناس او ادا لقيت شي كلمة مشيت عند طبيب نفسي عطاني XANAX نشربو قبل 30 دقيقة من شي اجتماع او شي حاجة فحال هكدا و كدلك ملي مشيت عند طبيبة عامة لي سبقلي دكرتها لقاتني كلي تنترعد عطاتني مغنيزيوم لمدة شهر 3 مرات في النهار و اتبعت TRAITEMENT
    - الادوية للي كتاخدي كيف ماكانو
    TARDYFERON 80 و حبوب منع حمل ADEPAL
    - عدد الوجبات فاليوم
    3 مرات في اليوم لكن شهيتي ضعيييييفة يعني غير شوية في الوجبة
    - كتمارسي شي رياضة اشناهي
    حتى رياضة
    - من وقتاش و انت كتعاني من النحافة
    منين كان في عمري 4 سنوات
    - علاش باغة تتزادي فالوزن
    حيث فعلا انا ضعيفة و وزني اقل من الطبيعي مع ان زوجي تيعجبو ضعافة
    - الرجيمات للي سبق ليك تبعتي باش تتزادي فالوزن
    شربت فواتح شهية كانتزاد غير تنقطعهم تنزيد نضعف
    - المناطق للي ماعاجبينكش
    الصدر و الارداف






    جزاك الله خيرا

    دعواتكم لي ربي يفرج همي

  5. #5
    مستشارة طبية Array الصورة الرمزية parfumée
    تاريخ التسجيل
    Jun 2012
    المشاركات
    3,553

    افتراضي

    اقتباس المشاركة الأصلية كتبت بواسطة douudi مشاهدة المشاركة
    - السن32
    - الطول الوزن 160
    - المهنة معلمة
    - الحالة الاجتماعية متزوجة ام للطفلتين
    - وزنك عند الولادة3كيلو
    - مدة الرضاعة الطبيعية للي رضعت من الام ديالك20شهر
    - السن للي دخلت لك الام ديالك المالكلة عليه 4اشهر
    - زرت الطبيب الجهاز التنفسي و مشاكل اسنان
    -
    - الادوية حبوب منع الحمل ميكروديول
    - عدد الوجبات 4
    - كتمارسي شي رياضة لا
    - من وقتاش و انت كتعاني من النحافة من زمااااااااااااااااااان
    - علاش باغة تتزادي فالوزن........لانه اقل من الطبيعي
    - الرجيمات الحلبة وكوكا وفواتح الشهية وهادي عام حبست كلشي
    - المناطق للي ماعاجبينكش........الصدر
    مرحبا بيك اختي ماقلتيش الوزن ديالك ذكرتي غير الطول
    من زمآان و انت ضعيفة تعني انه ماعمرك تزاديتي ?


  6. #6
    مستشارة طبية Array الصورة الرمزية parfumée
    تاريخ التسجيل
    Jun 2012
    المشاركات
    3,553

    افتراضي

    اقتباس المشاركة الأصلية كتبت بواسطة TRISTA مشاهدة المشاركة
    - السن 28
    - الطول الوزن 162 46 كيلو
    - المهنة موظفة
    - الحالة الاجتماعية (زواج اولاد)
    متزوجة بدون اولاد
    - وزنك عند الولادة..............
    - مدة الرضاعة الطبيعية للي رضعت من الام ديالك
    4 اشهر على ما اظن
    - السن للي دخلت لك الام ديالك المالكلة عليه
    واقيلا 4 اشهر لكن لي عارفة ان امي من النوع لي كتهتم بالتغدية بشكل كبير و عندها كتب على تغدية الاطفال
    - واش عمرك زرتي الطبيب على مشكل في المعدة لمصارن لحلاقم الجلد الجهاز التناسلي الجهاز الصدري او التنفسي او مشاكل اسنان
    كنت تنعاني من الضيقة ملي كنت صغيرة و تشافيت منها في 13 عام هكداك و كدلك عندي مشكل ملي كنتعصب تتسدلي الشهية في مرة و قبل مانتناول حبوب منع الحمل كانت عندي دورة غزيرة مصاحبة بالام سبقلي مشيت عند اطباء الجهاز التناسلي عطاوني دوفاستون هادشي فات عليه اكثر من 10 سنوات و مشيت في شهر 8 نعند طبيبة عامة كنت تنعاني من الدوخة و الارهاق عطاتني نعمل تحاليل لقات عندي حديد ناقص بزاف فيا 2 عطاتني TARDYFERON 80

    2 مرات في اليوم لمدة شهر و مرة واحدة في اليوم لمدة 6 اشهر دابا باقي متبعاه باقي 3 اشهر ان شاء الله في شهر فبراير غادي نعاود التحليلة

    - شنو الامراض للي كتعاني منهم لا قدر الله من بينهم الامراض النفسية و العصبية
    عندي مشكل تيرتعشو يديا ادا كنت في وسط الناس او ادا لقيت شي كلمة مشيت عند طبيب نفسي عطاني XANAX نشربو قبل 30 دقيقة من شي اجتماع او شي حاجة فحال هكدا و كدلك ملي مشيت عند طبيبة عامة لي سبقلي دكرتها لقاتني كلي تنترعد عطاتني مغنيزيوم لمدة شهر 3 مرات في النهار و اتبعت TRAITEMENT
    - الادوية للي كتاخدي كيف ماكانو
    TARDYFERON 80 و حبوب منع حمل ADEPAL
    - عدد الوجبات فاليوم
    3 مرات في اليوم لكن شهيتي ضعيييييفة يعني غير شوية في الوجبة
    - كتمارسي شي رياضة اشناهي
    حتى رياضة
    - من وقتاش و انت كتعاني من النحافة
    منين كان في عمري 4 سنوات
    - علاش باغة تتزادي فالوزن
    حيث فعلا انا ضعيفة و وزني اقل من الطبيعي مع ان زوجي تيعجبو ضعافة
    - الرجيمات للي سبق ليك تبعتي باش تتزادي فالوزن
    شربت فواتح شهية كانتزاد غير تنقطعهم تنزيد نضعف
    - المناطق للي ماعاجبينكش
    الصدر و الارداف






    جزاك الله خيرا
    مرحبا بيك اختي


  7. #7
    مستشارة طبية Array الصورة الرمزية parfumée
    تاريخ التسجيل
    Jun 2012
    المشاركات
    3,553

    افتراضي

    في انتظار باقي الاخوات
    تتجمع مجموعة مكونة من 8 اشخاص و نوضع شروط النظام فالصفحة الاولى ان شاء الله
    و الرد المحجوز غادي يكون مخصص للنصائح الشخصية الخاصة بكل مشاركة


  8. #8

    افتراضي

    اقتباس المشاركة الأصلية كتبت بواسطة parfumée مشاهدة المشاركة
    مرحبا بيك اختي ماقلتيش الوزن ديالك ذكرتي غير الطول
    من زمآان و انت ضعيفة تعني انه ماعمرك تزاديتي ?
    وزني50kg.واحد الوقت مع فواتح الشهية والحلبة وكوكا وصلت56kg.ولكن ولات عندي الكرش ورجعات لي شي اعراض ديال فقر الدم.حيت انا بلا حبوب منع الحمل كتجيني الدم كتيرة ودائما في التحاليل ديال الحمل كان تيكون عندي فقر الدم.ولكن من بعد مبقاش .المهم من قطعت كلشي بقى الوزن ديالي تينقص حتى الرجع فحال الاول يعني 50.


  9. #9

    افتراضي

    ء السن 29
    ء الطول الوزن160
    ء المهنة موظفة
    ء الحالة الاجتماعية عازبة
    ء وزنك عند الولادة 2،8 كلغ،
    ء مدة الرضاعة الطبيعية للي رضعت من الام ديالك ماكنتش تنرضع رضاعة طبيعية
    ء السن للي دخلت لك الام ديالك المالكلة عليه 4 اشهر ولكن ماكلتي مقيتة من الصغر ماناكل لافرماج بانان رضاعة وحدة نهار كامل وانا نتبعكك عليها او الماكلة عندي فحال شي عقوبة
    زرت الطبيب على مشكل في الجلد ؛بهاق مشاكل اسنان التسوس او لتنظيف عادي
    ء شنو الامراض للي كتعاني منهم الحمد لله لا اعاني من اي مرض من غيير ضعف البنية الجسمية
    ء عدد الوجبات فاليوم الفطور نعم الغذاء نعم كسكروط خفيف العشاء لا
    ء كتمارسي شي رياضة اشناهي مرة مرة تانمشي لاصال ايروبيك دابا شي 10 مازاولت ها
    ء من وقتاش و انت كتعاني من النحافة من صغري و انا ضعيفة
    ء علاش باغة تتزادي فالوزن اقل من الطبيعي
    ء الرجيمات للي سبق ليك تبعتي باش تتزادي فالوزن تنبداشوي او من بعدتنمل دغيا كولشي جربتوا بلا فائدة حلبة خميرة البيرة حبوب اللقاح عجنة المكسرات دابا راه تانكل او ماتيبان والو
    ء المناطق للي ماعاجبينكش كلشي مسلوتة كاملة
    وشكرا جزيل الشكر لي فتحتي لينا اختي هاذ الموضوع بارك الله فيك


  10. #10
    مستشارة طبية Array الصورة الرمزية parfumée
    تاريخ التسجيل
    Jun 2012
    المشاركات
    3,553

    افتراضي

    اقتباس المشاركة الأصلية كتبت بواسطة ISLAM SARA مشاهدة المشاركة
    ء السن 29
    ء الطول الوزن160
    ء المهنة موظفة
    ء الحالة الاجتماعية عازبة
    ء وزنك عند الولادة 2،8 كلغ،
    ء مدة الرضاعة الطبيعية للي رضعت من الام ديالك ماكنتش تنرضع رضاعة طبيعية
    ء السن للي دخلت لك الام ديالك المالكلة عليه 4 اشهر ولكن ماكلتي مقيتة من الصغر ماناكل لافرماج بانان رضاعة وحدة نهار كامل وانا نتبعكك عليها او الماكلة عندي فحال شي عقوبة
    زرت الطبيب على مشكل في الجلد ؛بهاق مشاكل اسنان التسوس او لتنظيف عادي
    ء شنو الامراض للي كتعاني منهم الحمد لله لا اعاني من اي مرض من غيير ضعف البنية الجسمية
    ء عدد الوجبات فاليوم الفطور نعم الغذاء نعم كسكروط خفيف العشاء لا
    ء كتمارسي شي رياضة اشناهي مرة مرة تانمشي لاصال ايروبيك دابا شي 10 مازاولت ها
    ء من وقتاش و انت كتعاني من النحافة من صغري و انا ضعيفة
    ء علاش باغة تتزادي فالوزن اقل من الطبيعي
    ء الرجيمات للي سبق ليك تبعتي باش تتزادي فالوزن تنبداشوي او من بعدتنمل دغيا كولشي جربتوا بلا فائدة حلبة خميرة البيرة حبوب اللقاح عجنة المكسرات دابا راه تانكل او ماتيبان والو
    ء المناطق للي ماعاجبينكش كلشي مسلوتة كاملة
    وشكرا جزيل الشكر لي فتحتي لينا اختي هاذ الموضوع بارك الله فيك


    مرحبا بيك اختي و حتى انت ماقلتيش لي وزنك عطيتيني غير الطول


صفحة 1 من 38 12311 ... الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

منتديات الجمال المغربي

 

RSS RSS 2.0 XML MAP HTML

جميع المواد وآلمشآركآت آلمكتوبهـ تعبّر عن وجهة نظر صآحبهآ ويتحمل مسؤوليتها الكاملة, واذا لديكم اي مشكلة على المحتوى المطروح يرجى مراسلتنا