http://img856.imageshack.us/img856/3789/poq.gif

 

http://img200.imageshack.us/img200/6700/gy8.gif

 

 

 

 

 

 

 

   
بحث مخصص
 

 

 

 

صفحة 1 من 3 123 الأخيرةالأخيرة
النتائج 1 إلى 10 من 24

الموضوع: مشكلتي اللي ما عرفت ما ندير فيها

  1. #1

    BUB مشكلتي اللي ما عرفت ما ندير فيها

    السلام عليكم ورحمة الله وبركاته
    رمضان مبارك عليكم والله يجعله مقبول ان شاء الله والله يجعلنا من العتقاء من النار في هذا الشهر الفضيل
    مشكلتي انني تعرفت على شاب عامين هادي عن طريق النت وبالصدفة واستمرت الصداقة بينتنا وتعرفت على شخصيته مزيان وحتى هو لقيت كاع الموصفات اللي كنت تنتمناها في فارس احلامي فيه من اخلاق وتعامل وكل شي وحتى هو نفس الشي وديما تيقول لي اللي غادي تكوني من نصيبه الله راضي عليه وامه ايضا.المهم استمرت علاقتنا وكنا تنحفظوا القران مع بعضنا لانه هو دارس شريعة وحافظ لجزء كبير من كتاب الله.وفي الفترة اللي كنا تنهضرو فيها مع بعضنا كان دائما تيتشكى من انه اهله بغاو يزوجوه بالطريقة التقليدية وهو رافض هذه الطريقة وبغى اللي يتزوجها هو اللي يختارها وبحكم انهم من عائلة محافظة جدا فوالده رافض هذا الشي.وفي نفس الفترة انا تقدم ليا شخص من العائلة فيه كاع الموصفات اللي اي بنت تحلم بيها ولكن انا كان قلبي متعلق بهذا الشاب مع انه العلاقة بيتنا كان مجرد صداقة ورفضت الشاب اللي تقدم ليا وكنت غادي نتسبب بمشكلة للعائلة المهم الشاب باقي يطمع اني نغير رايي ونقبل عرضه للزواج وقالي ما غاديش نلقى بحالك.انا حكيت لهذا الشاب الموضوع وكان دائما يقولي الله يختار لك اللي فيها الخير وانتي تستاهلي كل خير.من بعد منها بشي اشهر اعترف لي هذا الشاب بانه تبغيني وتيتمنى يتزوجني ولكن عنده المشكلة مع عائلته وما عرفش اش يدير.وحتى انا تمنيته بين وبين نفسي حتى قبل ما يعترف ليا بحبه ودعيت الله باش يجعله من نصيبي الا فيه الخير.في الايام الاخيرة حسيت انه حبنا ولا قوي بزاف وكل واحد فينا تيحلم ايمتى الله يجمعنا مع بعضنا وقالي انا خايف بزاف لنظلمك معايا وما غاديش نسامح لنفسي الا جرحت شي نهار لانك ما تستاهلي غير الخير.فانا اقترح عليه اننا في رمضان وكل واحد فينا يدعي الله يجمعنا في الحلال ونصليوا صلاة الاستخارة واللي فيها الخير الله يجيبها.انا في خلال شهر رمضان شفت حلم ازعجني بزاف وما عرفتش اشنو تفسيره شفت انه هو جاء لعندي للدار في الليل وخداني في حضنه وقالي ما قدرتش نصبر كثر وهاني جيت عندك في هذا الاثناء تيمر والدي وتيشوفها وتينظر ليا واحد النظرة ما قدرتش نتحملها ومع بعد خرجت الشاب من الدار ورجعت لقيت والدي تينظر ليا نفس النظرة وانا نرجع تنجري عند الشاب قلت ليه اجي تكلم مع اهلى وقولهم انك بغيتي تخطبني وتنزوجوه وهو يقولي بكل برودة انا ما مستعدش وما خبرتش اهلي ومشى وخلاني مصدومة لاني ما توقعتش منه هذا الشي وهو طيب بزااااااااااااااف وفقت مزعوجة من هذا الحلم ومن بعدها وليت تنفكر بزاف اشنو ممكن يكون تفسيرها.وغير هدا الشي وليت تنقول لو اهله اصروا على فكرتهم على الزواج ماذا سيكون مصيري وانا ما تنشوف حتى شي حد في هذا الدنيا غيره؟؟؟؟
    (بالنسبة للشاب هو تيدرس الدكتوراة في بلد اجنبي وباقي ما فاتحش اهله في موضوعنا لانه خايف بزاف من ردة فعلهم)
    سمحوا ليا طولت عليكم بزاااااف ولكن راه قلبي عامر ومعندي لمن نحكي غيركم بعد الله.وبغيتكم تنصحوني وتدعيوا معايا اللي يجيب ليا اللي فيها الخير واللي يجمع بيني وبينه في الحلال الا فيه الخير واذا ما كانش فيه الخير اللي يعوضني خير ويرضيني بيه
    عافاكم الا ما دعيوا معايا في هذه الايام راني محتاجة للدعاء بزاااااااااااااف
    الله يجزيكم خير ويعطي لكل واحدة ما تتمنى.


  2. #2

    افتراضي

    akhit lah idir lak iili fiha lkhir ama ilholm ma3andich lah tafssir o ngolak wahad ilhaja ili bghad rah bghak hit had zman mab9a had tayaghsab had 3la zwaj o matab9ayach day3ifi ilwa9t dyalak ila makanatch chi haja madmona


  3. #3

    افتراضي

    اختي نصيحه مني سيري شوفي حياتك و وافقي عل الراجل لي دخل من الباب و بغاك ايلا كان مزيان
    اما هادا ماباينش ليا فيه راه لي تيفقصني هو الراجل لي يبدا يقول دارنا ميوافقوش انا خايف من دارنا
    واش هادي هضره تدخل للراس، راه هاد الزمان لبنت تتوقف فوجه دارهم و تاخود لي بغات عاد الرجال!!!!
    راه ايلا بغاك هايجي نيشان لداركوم و ماكاينش لاش يبقا يقول دارهم، راه قاليك خايف يظلمك يعني عيقي
    عطيه مهله يا يدير شي خطوه يا الله يعاونو و قابلي حياتك ، لي تيبغي شي حد تيقطع لبحور
    الله يعاونك و يرزقك بولد الناس الي يصونك


  4. #4

    Kjoiujoih

    salam akhti okht fnikichaa 3andaha lha9 ila insan kan fi3lane barik rah ydir lmostahil wmaydirch saba bi darhom mab9ach fi had lwa9te chi had kaytrsab 3ala chi haja ana kan wa93 lia balak waja ldar mais darhom mwabrawch wkante kandon ani 3amrni radi nbri chi had bhal li kante kanbrihhta howa kan fi lkharij walakin tanti rabi bdalni hasan mano whna tzwajte daba wkanhma9 3ala rajli wahowa ktar diri l9iyam wtlabi lah lah li fiha lkhir wahad lhalma akhti raha mazwinach matb9ayd t3awdiha raha mafsra rasaha rabi rah bra lik rire lkhir


  5. #5
    لؤلؤة الجمال المغربي Array
    تاريخ التسجيل
    Sep 2006
    المشاركات
    6,098

    افتراضي

    اختى يكمل شهر رمضان مدار والو الله يعاونه عامين راها ماشى ساهلة و مين هو عارف عائلته علاش شاد معاه بنات الناس و ماتبقاش مبهورة انه يقرا الشريغة و انه ملتزم ووووو احتى هو لكان كان بغيك على الاقل يجى يدير النظرة الشرعية و يجى يخطب لكن عامين راه تضياع الوقت و حتى الحلم الى شفتى يمكن يكون دلالة على عدم صدقه اختى شدى فراجل الى دخل من الباب اما ديك قضية تعلقت به و كنبغيه راه غير الشيطان
    و الله يجب لك الى فيها الخير


  6. #6
    نجم الجمال الذهبي Array
    تاريخ التسجيل
    Jan 2012
    المشاركات
    2,584

    افتراضي

    اختي الله يفرحك ايلا كان من نصيبك راه ماتدي غي لي مكتاب ليك
    مادام هو عايش مستقل و على قدر من العلم كيخصو يكون مسؤول ماتقوليش كيحشم بزاف حيت ماشي عذر...خاصك تعرفي واش غيختارك هاد السيد في وقت الصح او غيحشم و يسمح فيك


  7. #7

    افتراضي

    dahabti sam3i rah had halate kaykouno

    ana sahabti kanet te3raf wahed fi net w mazal maghribi w bkaw kayhadro 3la asas zwaj w te3alkate bih

    f had atna2 wahed sayed akhor telabha zwaj chan tan mafihach

    achno daret galet lih chouf jawno khatab britini w lala mohim 3tatou 2 jours yefakar

    w mnba3d radat 3la sayed

    w kanet dima kategoul liha rah ana kanebri lakhor howa li brito

    kangouliha rah lakhor wakha yekoun kaybrik ach randiro b lhob ila makanch b halal rah 3omr kaydouz w foras machi kol mara rayjiw

    mohim tabtat lah yerda 3liha ewa wtezawjate matekouni ntia dayer lia bhal chi amira kaybriha w tezadet 3andhom bnita lah yekhaliha lihom


    w nzidek kategoul lia rah mantekhayelch rasi m3a chi had mn riro rani kanmout 3lih

    lah yekhalihom ba3diyathom




    mohim




    li brite negoulo lik rah yemken waslak


    rah a khti siri tezawji tewakli 3la allah w golilo ila barini daba teji si non ila kan bah mn lawel rafed rah mochkil

    w lah a3lam

    تعديل التوقيع

  8. #8
    نجم الجمال الفضي Array الصورة الرمزية carte
    تاريخ التسجيل
    Sep 2010
    المشاركات
    1,015

    افتراضي

    a khti siri 9bli 3la li ja wda9 babkom wtlbi lah ysa3dk tnsayh wtwi saf7t lmadi ana kon knt fblastk hadchi li ndir wlah yjib lik li fiha lkhair


  9. #9
    نجم الجمال الفضي Array الصورة الرمزية hasanadia
    تاريخ التسجيل
    Sep 2010
    المشاركات
    1,250

    افتراضي

    السلام اختي ، البنات تبارك الله عليهم كفاو و وفاو ، حتا انا متافقة معاهم ، انا مفهمتش علاش البنت ملي كتبغي شي واحد كتحدا دارهم و تزوج بهداك الي بغات واخا كووولشي العالم ضدها ، لكن فاش الراجل كيبغي يتزوج شي وحدة و دارهم ممواففينش صافي كيدير بالناقص و يبقا يتلكك مكيضحي بحتا شي حاجة الا القلة القليييلة من الرجال الي تلقاهم كيضحيو عل قبل الي كيبغيو ، اختي سمعيييي للبنات لو كان هادا بصاااااح بغيك و خايف طيري من يديه ميبقاش شاااادك عمااااين اعباد الله و مدار حتا خطوة و زايدها تيقةلك دارنا دارنا مالك اختي انتي معندك داركم ؟! انتي ماشي بنت داركم ؟! ديري العز لراسك و متبقايش حاطة يديك عل خدك و كتسناي منو شي خطوة راه عماين بزاف كن بغاك كن جا و تحدا دارهم و حاول معاهم و قنعهوم و جا خطبك ماشي يبقا يتحجج ، انا فرايي قبلي بداك الراجل الي جا لداركم و جا قاصد المعقول و عارف اش بغي و زيد عل هدا قلتي ما فيه حتا عيب اوا اشنو الي يخليك ترفضيه ؟ البغيان ؟ الالا الحب كيجي من بعد كوني اكيدة كاع الحاجة الي بدات بالحلال ربي كيبارك فيها ، مضيعيش وقتك و عمرك و ال هاد بنادم بصاح بغيك خصو يدير شي خطوة بلاما طلبيه انتي الا مدار والو كوني اكيدة راك بالنسبة ليه منك عدااااد غير كيدوز الوقت و صافي ،
    الله يدير ليك الي فيها الخير


  10. #10
    نجم الجمال الفضي Array
    تاريخ التسجيل
    Aug 2010
    المشاركات
    1,490

    افتراضي

    nasiha li ngolik hya tzwji hada li t9dam lik ama hada li nti m3ah bayn mn klamo m3ak manawi jidya okantmna tjawbni bchno drti bach lakhawat isstafdo ktar


صفحة 1 من 3 123 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

منتديات الجمال المغربي

 

RSS RSS 2.0 XML MAP HTML

جميع المواد وآلمشآركآت آلمكتوبهـ تعبّر عن وجهة نظر صآحبهآ ويتحمل مسؤوليتها الكاملة, واذا لديكم اي مشكلة على المحتوى المطروح يرجى مراسلتنا